Heshtja e BE-së përballë kërcënimeve të Serbisë - ja rrugët që po ndjek diplomacia serbe!

Politika

Heshtja e BE-së përballë kërcënimeve të Serbisë - ja rrugët që po ndjek diplomacia serbe!

Nga: A.M. Më: 18 janar 2022 Në ora: 16:48
Foto ilustrim

Serbia në vazhdimësi kërcënon dhe bën deklarata, të cilat cenojnë sigurinë e vendeve të Ballkanit Perëndimor.

Së fundi, kërcënimet më të shpeshta bëhen në Bosnje e Hercegovinë, ku politikani serb Dodik vazhdon të insistojë në shpërbërjen e Bosnjës.

Për këtë gjë, analisti zviceran Toby Vogel, ka kritikuar vazhdimisht qasjen e butë të BE-së karshi situatës së tensionuar në Bosnjë dhe karshi Serbisë, e cila e mbështet hapur Dodikun në synimet e tij për shpërbërjen e Bosnjës.

Njohësi i çështjeve ndërkombëtare, Shqiprim Pula në një prononcim për “Bota sot” u shpreh se Bashkimi Evropian nuk e ka konsideruar si pjesë të politikave të saj Ballkanin Perëndimor.

Madje, ai tha se pa angazhimin e Amerikës, rajoni ynë nuk do të kishte korrur suksese.

Image
Njohësi i çështjeve ndërkombëtare, Shqiprim Pula

“Nga situata që kemi në Ballkanin Perëndimor, kuptohet qartazi një gjë, që Unioni Evropian (UE-ja) asnjëherë nuk e ka konsideruar si një aset politik të saj për të korrur sukses në oborrin e saj, me vendet e Ballkanit. BE-ja, në vazhdimësi e proklamon vetën si fuqi civile në botë, por tek rasti ynë, si rajon, pa përfshirjen dhe angazhimin serioz të ShBA-ve, nuk kemi pas suksese të dukshme”, deklaroi ai.

Më tej, Pula vlerësoi se shteti serb nëpërmjet të diplomacisë së saj ka lobuar vazhdimisht dhe është përkëdhelur nga Brukseli.

“Ajo çfarë ka bërë Serbia përmes diplomacisë së saj aktive me avokim dhe lobim ka ndjekur dy rrugë, tek vendet anëtare të BE-së si dhe tek institucionet e saja në Bruksel e Strasburg, dhe padyshim ka absorbuar mbështetje për të mos thënë përkëdhelje nga BE-ja, sepse Brukseli nuk është në gjendje të garantoj zgjerimin e saj me vendet nga rajoni ynë”, theksoi njohësi i çështjeve ndërkombëtare.

Në fund, ai thotë se në mungesë të angazhimit të BE-së për vendet e Ballkanit, Serbia po kërcënon me rebelime vendet fqinje, si në rastin e kërcënimeve të hapura të Dodik-ut, në Bosnjë e Hercegovinë.

“Referuar deklarimeve publike ndër vite nga përfaqësuesit e lartë të BE-së, kupton një mungesë këmbëngulësie për një perspektivë reale të integrimit të vendeve të Ballkanit perëndimor, e për rezultat, sot, nga Serbia fshehurazi kemi edhe kërcënime të herëpashershme për një rebelim të mundshëm ndaj vendeve fqinje, siҁ e kemi rastin konkret me kërcënimet e hapura të Dodik-ut, në Bosnjë e Hercegovinë”, shpjegoi Shqiprim Pula për “Bota sot”.

Heshtja e BE-së përballë kërcënimeve të Serbisë - ja rrugët që po ndjek diplomacia serbe!

commentFirst article
Sot mund të lexoni Shfletoni kopertinat