“Dhurata” e Hashim Thaҫit lidhur me ushtrinë e Kosovës, profesori nga Amerika: Kjo duhet urgjentisht të rregullohet

Politika

“Dhurata” e Hashim Thaҫit lidhur me ushtrinë e Kosovës, profesori nga Amerika: Kjo duhet urgjentisht të rregullohet

Nga: H.O. Më: 21 shtator 2022 Në ora: 16:47
Arkiv

Ministri i Mbrojtjes, Armend Mehaj ka deklaruar sot se tash kemi bazë ligjore për dërgimin e ushtrisë jashtë vendit në operacione të ndryshme.

Mirëpo, lidhur me këtë deklarim të ministrit Mehaj ka reaguar profesori dhe opinionisti Binak Maxharraj. Ai shkruan se është e pakuptueshme që ushtria jonë të marrë pjesë në operacione të ndryshme jashtë vend, ndërsa nuk ka qasje në territorin e saj.

 “E pakuptueshme kur ushtria jonë mund të marrë pjesë në operacione të ndryshme jashtë vendit kurse në vend nuk ka qasje në tërë teritorin e saj. Ajo nuk guxon te shkelë Veriun e Kosovës edhe sikur atje të kërcet lufta. E,kjo i bie se ushtria e Serbisë mund të hyjë në Kosovë te bëjnë masakra e ushtria e jonë vetëm të vështron”, thotë ai.

Maxharraj thotë tutje se kjo situatë e krijuar është dhuratë e Hashim Thaҫit, e që urgjentisht duhet të rregullohet.

“O tempora,o moris,do thoshin latinet e vjetër. Pse kjo ndodhë kështu është një dhuratë e ish-presidentit Hashim Thaçi. Mirëpo, kjo urgjentisht duhet të rregullohet, sepse kjo i bie se kemi ushtri, e ne faktë s’kemi ushtri për operacione në tërë teritorin e vendit”, thekson ai.

Image
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat