Marrëveshja për targa, juristi: Serbia mos të lëmohet, BE dhe SHBA të bëjnë presion mbi Beogradin

Politika

Marrëveshja për targa, juristi: Serbia mos të lëmohet, BE dhe SHBA të bëjnë presion mbi Beogradin

Më: 24 nëntor 2022 Në ora: 18:38
Një nga takimet e palëve në Bruksel në kuadër të dialogut Kosovë - Serbi. Fotografi nga arkivi.

Mbrëmë është arritur marrëveshja për targa mes Kosovës dhe Serbisë. Kjo marrëveshje u arrit me ndërmjetësimin e BE.

Nga opozita është mirëpritur ky vendim, por ka pas edhe zëra kritik rreth kësaj marrëveshje.

Jursiti Muhmet Kelmendi në një prononcim për “Bota sot” ka thënë se e tëra kjo nuk ka të bëjë me akroniet e targave, por me njohjen reciproke mes dy shteteve.

Ndërsa, shton se Serbia po lëmohet në këtë kohë sikur të ishte viktima e krimit gjenocidal.

“Çështja e targave nuk ka të bëj me akronimet e kohës së ish-Jugosllavisë. Ajo është e lidhur drejtpërdrejtë me njohje reciproke të dy shteteve. Këtu është çështja. Ana shumë jo konstruktive është qëndrimi amerikan dhe ai i UE-së. Është pikërisht shteti serb që vazhdimisht krijon konflikte dhe probleme në Ballkan. Dhe, kjo është parë më herët. Këtë e dinë ambasadori Hill. Ndërsa, tash lëmohet shteti serb, sikurse ai të ishte viktima e krimit gjenocidial. Kjo nuk shkon”, deklaron ai.

Sipas tij, gjithmonë duhet që dialogu të bëhet mbi bazën e njohjes reciproke, duke shtuar se shqiptarët duhet ta zgjidhin çështjen me Serbinë njëherë e përgjithmonë.

“Plani i UE është bazë për dialog. Mbi atë kërkohet të dialogohet. Një marrëveshje përfundimtare me bazën e njohjes reciproke është e ardhmja e kësaj ane evropiane. Këtej kërkohet te punohet. Këtu duhet UE dhe SHBA të bëjnë presion mbi Beogradin dhe çështja të zgjidhet.

Pezullimi i çështjes së targave nuk e pengon shtetin e Kosovës. Tjetër është rikthimi në punë i të dorëhequrëve nacional serbomëdhenj të kriminelit nacional-fashist Vuçiç e Daçi.

Shqiptarët duhet të zgjidhin çështjen me Serbinë. Nuk ka rruge tjetër. Mirë është të futet reciprociteti në dialogim. Çdo problem i pa zgjidhur është konflikt potecial për të ardhmen”, përfundoi Kelmendi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat