Situata e kanabisit, Artan Hoxha: Në Velipojë u zbulua parcela me 200 mijë rrënjë

Shqipëria

Situata e kanabisit, Artan Hoxha: Në Velipojë u zbulua parcela me 200 mijë rrënjë

Më: 29 shtator 2022 Në ora: 14:28
Foto ilustrim

Kanabizimi i vendit është një nga problemet më shqetësuese të Shqipërisë dhe me sa duket policia nuk ka mundur ta frenojë kultivimin e bimëve narkotike.

Gjatë një interviste, gazetari Artan Hoxha tha se sipas të dhënave qarku më problematik ishte Shkodra.

Në muajin qershor, në Veliopjë u zbulua një parcelë me 200 mijë rrënjë dhe Hoxha u shpreh se nuk e kishte parë një të tillë më parë në Shqipëri.

“Nuk e di pse ka qenë kjo lloj heshtjeje në medien dhe politikën shqiptare. Një nga plagët që ka Shqipëria është prodhimi i kanabisit. Por e pashë me sytë e mi që prodhuesit e kanabisit në Shqipëri kishin ikur dhe e prodhonin jashtë, në Spanjë. Pse kanë shkuar atje? Për shkak të fitimit që është më i madh dhe për shkak të dënimit. Atje dënimi është më i vogël se sa kur kapesh në Shqipëri. Kanabisi tani korret, flasim për atë që është në kushte natyrale.

Gjatë këtij sezoni ka qenë një detyrë e posaçme e Gledis Nanos i cili ka kërkuar me insistim që me kanabisin mos tolerohej askush. Qarku më problematik ishte Shkodra sipas të dhënave. Gjatë prillit he në fillim të majit në Shkodër ndodhën 4 ngjarje që kishin subjektiv 4 punonjës policie. Ishin këta që kontrollonin territorin dhe çonin informacionin në polici. U goditën mjetet e këtyre policëve me eksploziv. Të katërta rastet nuk janë zbuluar as sot e kësaj dite.

Në qershor, në Velipojë kishte një plantacion që nuk e kisha parë ndonjëherë në Shqipëri, 200 mijë rrënjë. Për këtë rast u arrestuan komandanti i postës dhe trupa policore dhe më pas u liruan në Gjykatë sepse ata kishin informuar që në zonën e tyre kishte kultivim kanabisi. Kjo sasi kanabisi ishte kultivuar në fushë e kombinuar me misër që mos binte në sy”, theksoi gazetari në Abc.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat