Një 55-vjeçar në Lushnjë ka qëlluar në ajër me armë gjahu, teksa ka qenë nën efektin e alkoolit.
Shtetasi E.XH, ka qenë duke lëvizur në lagjen “Xhevdet Nepravishta” kur ka qëlluar në ajër duke panikosur banorët.
Lushnjë/Informacion paraprak
Qëlloi në ajër, me armë gjahu, në gjendje të dehur, shoqërohet në Komisariat 55-vjeçari.
Shtetasi E. Xh., 55 vjeç, banues në Lushnjë, duke qarkulluar në rrugë në lagjen “Xhevdet Nepravishta”, dyshohet në gjendje të dehur, ka qëlluar në ajër me armë gjahu.
Arma e gjahut, të cilën 55-vjeçari e kishte me leje, u bllokua në cilësinë e provës materiale.
Shërbimet e Policisë shoqëruan menjëherë në Komisariat shtetasin E. Xh. dhe po kryejnë veprimet procedurale.
Grupi hetimor po punon për zbardhjen e plotë të ngjarjes.
