Shoqata e Gjyqtarëve të Volejbollit e Kosovës, e ka mbajtur Kuvendin Zgjedhor, duke përzgjedhur strukturat e reja udhëheqëse.
Në këtë kuvend, fillimisht të pranishmëve u është drejtuar kryetari i deritashëm Fadil Lumi.
Në ambientet e Fakultetit të Edukimit Fizik dhe Sportit (FEFS), me votat e kuvendarëve të SHGJVK-së, kryetar i ri është zgjedhur Istref Elezaj.
Në kryesi të kësaj shoqate janë zgjedhur edhe: Liridona Kurrumeli, Burim Zymeri, Skender Lajqi dhe Liridon Pllana.
Punimet e kuvendit i përcolli nga afër edhe sekretari i përgjithshëm i FVK-së Valon Nikqi, i cili kryetarit të ri Istref Elezaj dhe bordit, u ka uruar punë të mbarë dhe shumë suksese.
