Drita fiton Superkupën e Kosovës

Volejboll

Drita fiton Superkupën e Kosovës

Më: 16 tetor 2021 Në ora: 23:47
Drita fiton Superkupën e Kosovës

Drita e ka dëshmuar edhe njëherë fuqinë e saj në volejbollin e Kosovës.

Vashat gjilanase fituan Superkupën e Kosovës duke triumfuar 3:0 ndaj M-Technologie në Pallatin e Rinisë dhe Sporteve në Prishtinë.

Fituesja e Kupës së Kosovës, M-Technologie dhe kampionia e Kosovës, Drita i matën forcat sonte në një ndeshje që premtonte më shumë sesa në fakt dhuroi.

Image

Drita e nisi ndeshjen mjaft mirë dhe nuk e vuri asnjëherë në dyshim fitoren, teksa fitoi setin e parë me shifrat 25:17.

Seti i dytë ishte i barabartë deri në pikën e 15-të, por më pas Drita hyri në seri 10-1 për ta fituar 25:16.

Në setin e fundit, vashat e M-Technologie të dorëzuara totalisht nuk arritën t’i bënë ballë kundërshtareve duke humbur 25:15.

Image

Kështu, Drita e nis për mrekulli sezonin e ri me një trofe, teksa do të synojë mbrojtjen e titullit në edicionin 2021/22.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat