Talebanët i presin kokën volejbollistes afgane

Volejboll

Talebanët i presin kokën volejbollistes afgane

Më: 21 tetor 2021 Në ora: 12:21
Talebanët i presin kokën volejbollistes afgane

Një ngjarje e rënë ka ndodhur së fundi në Afganistan. Talebanët kanë masakruar volejbollisten Mahjabin Hakimi, duke i prerë kokën. Ngjarja ka ndodhur në ditët e para të tetorit, por është mbajtur e fshehur deri në momentin që fotot horror janë publikuar në rrjetet sociale.

Lajmi është konfirmuar edhe nga trajnerja e kombëtares afgane të volejbollit: “Talebanët i kanë prerë kokën një prej volejbollisteve të mia. Ky është një turp”, tha Suraya Afzali (pseudonimi që mban trajnerja për të evituar problemet).

“Tashmë të gjitha lojtaret e volejbollit duhet të fshihen, maskohën apo largohen për të shpëtuar. Deri më tani janë larguar nga Afganistani vetëm 2 lojtare, ndërsa të tjerat kanë djegur uniformat e lojës për t’i shpëtuar terrorit dhe mbrojtur familjet e tyre”, tha më tej trajnerja.

Mahjabin Hakimi është volejbollistja e dytë afgane që ka një fund tragjik pas largimit të forcave amerikane nga Kabuli. Më herët, në gusht të këtij viti, është vrarë barbarisht me pistoletë një tjetër lojtare.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat