Berisha: Do të jetë ndeshje e vështirë në Therandë

Volejboll

Berisha: Do të jetë ndeshje e vështirë në Therandë

Nga: K.Goca Më: 22 tetor 2021 Në ora: 15:55
Berisha: Do të jetë ndeshje e vështirë në Therandë

Ferizaj i druhet Golden Eagle Therandës. Ndeshje që pritet me emocione nga të dy palët dhe si njëra skuadër po ashtu edhe tjetra synon fitore. 

Volejbollisti me përvojë i Ferizajt, Armend Berisha, ka thënë se synojnë fitoren e katërt rresht në Superligën e Kosovës.

Berisha nënvizon, se kjo ndeshje është e vështirë jo që luhet në Therandë por duke pasur parasysh se ky ekip javën që e lamë pas e mposhti kampionin në fuqi Pejën. Ndeshja luhet nesër në orën 18.30.  

“Pas tri xhirove me fitore besoj se do vazhdojmë edhe në xhiron e 4-të me fitore ndaj ekipit Golden Eagle Theranda.

Do të jetë ndeshje e vështirë duke bazuar në atë që Theranda bëri befasi javën e kaluar duke e mposhtur Pejën. 

Jemi të mobilizuar mirë për këtë lojë dhe i kemi synimet e qarta. 

Shpresoj shumë në fitore, mbetet të shihet të shtunën në Therandë në orën 18.30”, thotë Berisha për gazetën kombëtare “Bota sot”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat