Joana Kushi transferohet tek Eskesehir

Volejboll

Joana Kushi transferohet tek Eskesehir

Më: 26 tetor 2021 Në ora: 11:43
Joana Kushi transferohet tek Eskesehir

Partizani është një prej skuadrave më të suksesshme në volejbollin e femrave në vendin tonë gjatë viteve të fundit dhe sigurisht që një meritë të madhe për arritjet e skuadrës ka menaxhimi që i është bërë klubit.

Kampionet në fuqi njihen për bashkëpunimet e shumta me volejbollin turk, gjë që ka rezultuar mjaft e suksesshme për skuadrën kryeqytetase.

Vetëm pak kohë më parë presidenti i Partizanit, Rogert Huqi dhe homologu i tij Osman Tas i skuadrës Eskesehir Mihaliçik, kanë firmosur binjakëzimin ndërmjet dy klubeve.

Në kuadër të këtij bashkëpunimi ka ardhur edhe lëvizja e parë në merkato, pasi në skuadrën që militon në kategorinë e parë turke, tashmë është bashkuar Joana Kushi.

Bëhet fjalë për një nga volejbollistet më të mira të Shqipërisë, e cila ka qenë nga pikat kyçe në sukseset e Partizanit. Kështu, Partizani bëhet një trampolinë e mirë për talentet e volejbollit shqiptar, duke u ofruar atyre mundësinë e luajtjes në kampionate cilësore jashtë vendit, shkruan Panorama sport.

Ky është binjakëzimi i tretë për Partizanin, teksa më parë klubi ka bërë binjakëzim me Beshiktas dhe Boluspor, kjo e fundit drejtohet nga ish-ndihmës trajneri i Partizanit, Berkant Cakir.

Presidenti Rogert Huqi kërkon që të përsërisë edhe këtë sezon sukseset e viteve të fundit dhe ka paralajmëruar një merkato të fuqishme në sesionin e dimrit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat