Skënderbeu triumfon edhe ndaj Tiranës

Volejboll

Skënderbeu triumfon edhe ndaj Tiranës

Më: 13 nëntor 2021 Në ora: 12:05
Skënderbeu triumfon edhe ndaj Tiranës

Gjashtë ndeshje, gjashtë fitore, 18 sete të fituara dhe asnjë i humbur. Është ky bilanci i deritanishëm i ekipit të Skënderbeut, që dominon Superligën në volejboll për femra. Korçaret fituan në sfidën e fundit 3-0 ndaj Tiranës, në një përballje mes dy ekipesh pretendente për titull.

Një ndeshje dhe fitore e vështirë për Skënderbeun, që vuajti jo pak për të marrë 3 pikët (25-22, 25-13, 26-25). Tirana u përpoq të rivalizojë, por gaboi në momentet e fundit edhe pse iu afrua fitores së setit në dy raste, por pa sukses.

Një fitore të rëndësishme jashët fushe korri Vllaznia, që mundi 3-2 në kryeqytet Partizanin kampion.

Shkodranet kaluan në epërsi të dyfishtë, pasi fituan 25-23, 25-18 dys etet e para, por të “kuqtë” rikuperojnë, duke fituar 25-17, 25-16 dy setet e tjera. Në setin final ka shumë emocione, me Vllazninë që fiton në pikët shtesë 18-16, duke u ngjitur në vendin e dytë.

Superliga-Femra, java e 6-të

Tirana – Skënderbeu, 0-3

Partizani – Vllaznia, 2-3

Lushnja – Flamurtari, 14 nëntor

Barleti Volley – Apolonia, 14 nëntor

Renditja: Skënderbeu 18 pikë, Vllaznia 14 pikë, Tirana 12 pikë, Partizani 10 pikë, Barleti Volley 9 pikë, Apolonia 3 pikë, Lushnja 0 pikë, Flamurtari 0 pikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat