Berisha kërkon kujdes nga Ferizaj kundër Pejës dhe Dritës

Volejboll

Berisha kërkon kujdes nga Ferizaj kundër Pejës dhe Dritës

Më: 16 nëntor 2021 Në ora: 19:13
Armend Berisha

Ferizaj po tregon lojërat më të mira duke dominuar në elitën e volejbollit të Kosovës. 

Ky ekip kryeson me 21 pikë pas 7 jave, ka tre më shumë se Drita dhe pesë se Peja.

Volejbollisti me përvojë i Ferizajt, Armend Berisha, është i ngazëllyer me fitore në derbin vendas, me rezultat 3:1 ndaj Lubotenit. 

Image

Megjithatë Berisha kërkon kujdes nga klubi në dy ndeshjet vendimtare që përcaktojnë edhe kampionin vjeshtor, kundër Pejës dhe Dritës.  

“Për fitoren e derbit Lokal që është zhvilluar, ka qenë ndeshje e vështirë, te them të drejtën për shkak se KV luboteni pas mungesës është rikthyer shumë fuqishëm këtë sezon e me përforcime dhe është organizuar prapë. 
Por prapë KV Ferizaj është ekip që puna kolektive bëhet ashtu që edhe rezultoj me fitoren bindshëm. 

Image

Ende nuk e quajmë veten lider i Superligës për shkak se kemi edhe dy ndeshje të vështira me KV Pejën këtë vikend, po ashtu edhe KV Dritën. Këto ndeshje do të përcaktojnë liderin dhe renditje tabelare. 

Shpresoj shumë që kto dy ndeshje do t’i fitojmë. Përparësia jonë është që jemi ekip i organizuar mirë dhe që luajmë shumë vite bashkë”, thotë Berisha për gazetën kombëtare “Bota sot”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat