Skënderbeu i pathyeshëm

Volejboll

Skënderbeu i pathyeshëm

Më: 20 nëntor 2021 Në ora: 12:53
Skënderbeu i pathyeshëm

Janë luajtur mbrëmjen e sotme tri nga 4 takimte e javës së 7-të të Superligës në volejboll për femra, java e fundit e fazës së parë.

Skuadra e Skënderbeut e mbyll këtë fazë në krye të renditjes me 21 pikë të plota, duke i fituar të gjitha takimet me rezultatin 3-0, përfshi edhe sfdidën e sotme ndaj Lushnjës, luajtur në Korçë. Një ndeshje që ishte si një stërvitore për vendaset, që i fituan setet me diferenca të mëdha: 25-13, 25,13, 25-14.

Po 3-0 fiton edhe Tirana e vendit të dytë, që mundi në Shkodër skuadrën vendase të Vllaznisë (27-25, 25-19, 25-22). Një ndeshje që dhuroi mjaft emocione, teksa të dyja skuadrat dueluan fort, sidomos në setin e parë.

Po kaq i bukur ishte edhe derbi i kryeqytetit mes Barleti Volley e Partizani, fituar nga barletaset 3-1 (25-14, 23-25, 25-22, 25-13). Një ndeshje me hope e skuadrës kampione të Partizanit, që luajti mirë vetëm në dy sete, ndërsa në pjesën tjetër të sfidës ishte Barleti ai që dominoi në parket.

Superliga – Femra, java e 7-të

Vllaznia – Tirana, 0-3

Barleti Volley – Partizani, 3-1

Skënderbeu – Lushnja, 3-0

Flamurtari – Apolonia, 24 nëntor

Renditja: Skënderbeu 21 pikë, Tirana 15 pikë, Barleti Volley 15 pikë, Vllanzia 14 pikë, Partizani 10 pikë, Lushnja 3 pikë, Apolonia 3 pikë, Flamurtari 0 pikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat