Tirana nuk ndalet në kampionat

Volejboll

Tirana nuk ndalet në kampionat

Më: 21 nëntor 2021 Në ora: 13:15
Tirana nuk ndalet në kampionat

Janë luajtur takimet e javës së 8-të të Superligës në volejboll për meshkuj. Ekipi i Tiranës fitopi 3-0 ndaj Skënderbeut në kryeqytet, duke forcuar edhe më shumë pozitat në krye të klasifikimit. Ndeshje e dominuar nga bardheblutë, që i fituan setet me lehtësi 25-11, 25-23, 25-16. Miqtë nga Korça dueluan vetëm një set dhe më pas u shpërbënë.

Humbte sërish skuadra e Partizanit, që u mund 3-1 nga Erzeni, duke dorëzuar edhe vendin e dytë. Tashmë të kuqtë renditen të tretët. Sfida e luajtur në Durrës nisi më mirë për kryeqytetasit, që fituan 25-18 setin e parë. Më pas vjen përmbysja e shijakasve, që luajnë më mirë dhe fitojnë tri setet e tjera: 25-20, 25-21, 25-21, duke u ngjitur në vendin e dytë.

Fitore surprizë arriti Studenti, që mundi 3-1 Vllazninë në Shkodër dhe rihap garën për një vend në katërshe. Një ndeshje me rivalitet dhe emocione (18-25, 25-16, 22-25, 28-30 shifrat e seteve), me vendasit që nuk ishin në gjendje të fitojnë, duke qëndruar në vendin e katërt. Ndërsa Teuta, mundi 3-0 Farka Volley (25-18, 25-20, 25-11).

Superliga – Meshkuj, java e 8-të

Tirana – Skënderbeu, 3-0

Vllaznia – Studenti, 1-3

Erzeni – Partizani, 3-1

Farka Volley – Teuta, 0-3

Elbasani (pushim)

Renditja: Tirana 20 pikë, Erzeni 18 pikë, Partizani 16 pikë, Skënderbeu 10 pikë, Vllaznia 9 pikë, Elbasani 8 pikë, Studenti 7 pikë, Teuta 6 pikë, Farka Volley 0 pikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat