Tirana në gjysmëfinale

Volejboll

Tirana në gjysmëfinale

Më: 8 janar 2022 Në ora: 12:39
Tirana në gjysmëfinale

Janë luajtur ndeshjet e javës së 4-t dhe të parafundit të Grupit B, të vlefshme për Kupën e Shqipërisë në Volejboll për femra.

Tirana ka siguruar vendin e parë në këtë grup dhe kualifikimin për në gjysmëfinale pas fitores 3-0 ndaj Lushnjës në kryeqytet, një përballje mes dy ekipeve pretendente në këtë grup.

Takim në përgjithësi i dominuar nga bardheblutë (25-8, 28-26, 25-16), që patën epërsi në fushë. Fiton 3-0 edhe Barleti Volley, që mposhti pa problem Apoloninë (25-13, 25-17, 25-17). Tashmë barletaset dhe Lushnja luajnë javën e fundit për një biletë për më tej. Fitoren e parë në grup korri Elbasani, që mundi 3-0 Korabin (25-18 të trija setet).

Grupi A-Java e 6-të

Vllaznia – Teuta, 8 janar

Partizani – Flamurtari, 8 janar

Skënderbeu – Club Albania, 8 janar

Mirdita (pushim)

Renditja: Skënderbeu 11 pikë, Partizani 10 pikë, Teuta 9 pikë, Club Albania 6 pikë, Vllaznia 3 pikë, Flamurtari 3 pikë, Mirdita 0 pikë.

Grupi B- Java e 4-t

Elbasani – Korabi, 3-0

Tirana – Lushnja, 3-0

Barleti Volley – Apolonia, 3-0

Renditja: Tirana 12 pikë, Barleti Volley 9 pikë, Lushnja 9 pikë, Elbasani 3 pikë, Korabi 3 pikë, Apolonia 0 pikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat