Barleti Volley gjysmëfinalistja e katërt

Volejboll

Barleti Volley gjysmëfinalistja e katërt

Më: 15 janar 2022 Në ora: 12:06
Barleti Volley gjysmëfinalistja e katërt

Kanë nisur takimet e fundit të fazës së grupeve të vlefshme për Kupën e Shqipërisë në volejboll për femra. Ekipi i Barleti Volley është gjysmëfinalisti i katërt dhe i fundit i këtij turneu, pas fitores 3-0 që arriti ndaj Lushnjës.

Një përballje mes dy ekipesh rivale, që synonin vendin e dytë në Grupin B. Ndeshja e luajtur në Lushnjë pati rivalitet vetëm në setin e parë, pasi më tej u dominua nga barletaset, që e merituan fitoren (25-22, 25-11, 25-17).

Fiton edhe Skënderbeu, 3-0 ndaj Mirditës, ndeshje e luajtur në Rrëshen. Një sfidë që ishte një stërvitore për korçaret, që patën epërsi në të trija setet (25-12, 25-7, 25-8), duke konsoliduar vendin e parë në Grupin A.

Grupi A – Java e 7-të

Mirdita – Skënderbeu, 0-3

Club Albania – Vllaznia, 15/1

Teuta – Partizani, 15/1

Renditja: Skënderbeu 17 pikë, Partizani 13 pikë, Teuta 9 pikë, Vllaznia 6 pikë, Club Albania 6 pikë, Flamurtari 3 pikë, Mirdita 0 pikë.

Grupi B – Java e 5-të

Korabi – Tirana, 15/1

Lushnja – Barleti Volley, 0-3

Apolonia – Elbasani, 15/1

Renditja: Tirana 12 pikë, Barleti Volley 12 pikë, Lushnja 9 pikë, Elbasani 3 pikë, Korabi 3 pikë, Apolonia 0 pikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat