Fitojnë Barleti e Tirana, zhgënjejnë kampionet e Partizanit

Volejboll

Fitojnë Barleti e Tirana, zhgënjejnë kampionet e Partizanit

Më: 22 janar 2022 Në ora: 19:50
Fitojnë Barleti e Tirana, zhgënjejnë kampionet e Partizanit

Janë luajtur ndeshjet e para çerekfinale të Kupës së Shqipërisë në volejboll për femra, sfida që kanë dhuruar edhe surpriza.

Partizani kampion u mund 3-2 në Lushnje nga skuadra vendase (22-25, 23-25, 25-17, 25-21, 15-12). Një fitore me përmbysje e skuadrës myzeqare, që mban gjallë shpresat për më tej, ndërkohë që sfida e kthimit do të luhet në kryeqytet.

Skënderbeu kryesues i kampionatit fitoi 3-0 në Elbasan (25-9, 25-10, 25-10), një ndeshje që ishte si një stërvitore për korçaret. Po kaq lehtësisht fiton edhe Tirana, 3-0 në Durrës ndaj Teutës (25-6, 25-16, 25-14).

Në sfidën e fundit çerekfinale, ekipi i Barleti Volley triumfoi 3-0 në Shkodër ndaj Vllaznisë (25-17, 26-24, 25-18), një ndeshje që dhuroi emocione vetëm në setin e dytë. Sfidat e kthimit do të luhen fundjavën e ardhshme.

Çerekfinalet e para

Teuta – Tirana, 0-3

Lushnja – Partizani, 3-2

Elbasani – Skënderbeu, 0-3

Vllaznia – Barleti Volley, 0-3

Çerekfinalet e dyta

Tirana – Teuta, 28/1

Partizani – Lushnja, 28/1

Barleti Volley – Vllaznia, 29/1

Skënderbeu – Elbasani, 29/1

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat