Volejbolli në festë të çmendur!

Volejboll

Volejbolli në festë të çmendur!

Nga: K.G. Më: 28 janar 2022 Në ora: 12:08
Volejbolli në festë të çmendur!

Federata e Volejbollit e Kosovës ka shënuar suksesin më të madh në histori të ekzistimit, duke u kategorizuar në vend të dytë në Kosovë nga Komiteti Olimpik i Kosovës dhe janë në festë të çmendur!  

“Tjetër lajm i jashtëzakonshëm për volejbollin kosovar.

Pas lajmeve fantastike që volejbolli kosovar mori në Asamblenë Ballkanike, vazhdimësi e zhvillimeve tjera të bujshme paraprake - si organizimi i kualifikimeve për Kampionatin Evropian - Federata e Volejbollit të Kosovës ka marr një tjetër lajm të jashtëzakonshëm nga kategorizimi i sporteve që bëhet sipas rregullores së Ministrisë së Kulturës, Rinisë dhe Sportit. 

Ky përkushtim i vazhdueshëm i FVK-së është shpërblye me pozitën e dytë në listën e kategorizimit për vitin 2022. 
Kategorizimi u bë bazuar në pikët e fituara nga rezultatet dhe aktivitetet e realizuara gjatë vitit 2021, me FVK-në që regjistroi 79.56 pikë, duke mbetur prapa vetëm sportit të xhudos. 

Për vitin 2022 do të ketë shtim të aktiviteteve dhe angazhim edhe më të madh në avancimin e volejbollit kosovar, në hap me zhvillimet e federatave të shteteve tjera evropiane. 

FVK falënderon gjithë komunitetin e volejbollit të Kosovës, i cili kontriboi në ngritjen e cilësisë dhe nivelit të garave gjatë vitit të kaluar, pavarësisht situatës tejet sfiduese me pandeminë”, shkruan në faqen e Federatës së Volejbollit e Kosovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat