Superliga e volejbollit të meshkujve do të nisë sot takimet e javës së 18-të, javë që shënon edhe fundin e sezonit të rregullt.
Tashmë janë përcaktuar zyrtarisht ekipet që do të shkojnë në “play off”, të cilat janë Tirana, Partizani, Erzeni, Skënderbeu, Elbasani dhe Vllaznia.
Bardheblutë e Arben Sakos kanë siguruar biletën direkt për në gjysmëfinale, ndërsa ekipi i dytë gjysmëfinalist do të jetë mes “demave” të Ylli Tomorrit dhe shijakasve.
Takimet e fundit do të shërbejnë për të përcaktuar renditjen finale, nga e cila do të dalin edhe përballjet e fazës para “play off”.
Kështu, në orën 18:00 Partizani luan në transfertë kundër Farkës dhe në të njëjtën orë Erzeni pret Studentin.
Nesër në orën 11:00 vijohet me ndeshjen Vllaznia - Skënderbeu, ndërsa në 18:00 luhet takimi Tirana-Elbasani.
