Gara interesante u zhvilluan edhe në Superligën B të Kosovës në volejboll (femrat), ku Kastrioti doli më i suksesshëm.
Kastrioti synon që në edicionin e ardhshëm të ndërtojë një ekip më të fortë dhe të kërkojë titullin në Superligën A.
“Kastrioti shpallet kampion në Superligën B, femrat.
Ekipi nga Ferizaj mposhti në xhiron e fundit Prishtinën, për t'u shpallur kampion i ligës.
Kastrioti e mbyll fushatën me 15 pikë në total, në vendin e parë. Këtë sezon Superligës B i bashkohen dy ekipe nga Liga e Parë, duke e çuar në tetë numrin e skuadrave pjesëmarrëse, për të luftuar sezonin e ardhshëm për avancim në Superligën A.
Medaljet për vashat e Kastriotit i ndau anëtari i bordit të Federatës së Volejbollit të Kosovës, Abedin Mehani”, njofton FVK.
