Peja dhe Luboteni, para sfidave

Volejboll

Peja dhe Luboteni, para sfidave

Më: 22 prill 2022 Në ora: 15:07
Peja dhe Luboteni, para sfidave

Të shtunën, zhvillohen ndeshjet e dyta gjysmëfinale të playoffit, në konkurrencën e meshkujve.

Këto takime zbulojnë çiftin final, i cili mund të mësohet po këtë ditë. Gjithmonë nëse Peja dhe Luboteni fitojnë përballjet e tyre kundër Dritës respektivisht Ferizajt.

Në takimin e parë gjysmëfinal, Peja, si nikoqire, kishte mposhtur Dritën 3-1 në sete, me gjilanasit që luftuan në secilin set, siç nënvizohet edhe nga diferenca e ngushtë në pikë, por nikoqirët ishin të pa lëkundur në qëllimet për fitore.

Në përballjen tjetër derbi, Luboteni po ashtu tregoi paraqitje impresive kundër Ferizajt, të cilën e mposhti si mysafire me rezultat 1-3.

Në rast se Peja dhe Luboteni fitojnë edhe ndeshjet e dyta gjysmëfinale, sigurojnë finalen e madhe, në të kundërtën, luhet edhe ndeshja e tretë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat