Kombëtarja përgatitet për Ligën e Argjendtë

Volejboll

Kombëtarja përgatitet për Ligën e Argjendtë

Më: 19 maj 2022 Në ora: 11:47
Kombëtarja përgatitet për Ligën e Argjendtë

Kombëtarja e meshkujve në volejboll do të marrë pjesë në periudhën maj-qershor në Ligën e Argjendtë në volejboll (Silver League).

Shqipëria e drejtuar nga trajneri i mirënjohur Jani Melka ndodhet në Grupin B, bashkë me Rumaninë, Bosnjë-Herzegovinën e Maqedoninë e Veriut.

Kuqezinjtë kanë disa ditë që stërviten dhe pjesë e kësaj faze janë dy ndeshje miqësore që Shqipëria do të zhvillojë ndaj rivalëve të saj në grup, Maqedonisë së Veriut. E para është luajtur në Mavrovë dhe është fituar 3-2 nga fqinjët tanë (19-25, 25-18, 25-17, 26-28, 15-12).

Ndeshjet e Ligës së Argjendtë do të zhvillohen me sistem vajtje-ardhje. Pra, kuqezinjtë do të zhvillojnë 6 ndeshje, tri prej të cilave në Tiranë. Trajneri Melka ka përzgjedhur elementët më të mirë, me objektivin për të shkuar në fazën finale të këtij eventi.

Liga e Argjendit-Grupi B

24 maj, Shqipëri-Rumani, 19:00

28 maj, Bosnjë H.-Shqipëri, 16:00

1 qershor, Maqedoni V.- Shqipëri, 20:15

4 qershor, Shqipëri – Maqedoni V., 19:00

8 qershor, Shqipëri – Bosnjë H., 18:00

12 qershor, Rumani – Shqipëri, 17:00

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat