Kosova nuk e fiton asnjë set as në duel me Holandën

Volejboll

Kosova nuk e fiton asnjë set as në duel me Holandën

Më: 22 maj 2022 Në ora: 19:09
Kosova nuk e fiton asnjë set as në duel me Holandën

Kosova U-22 mposhtet nga Holanda dhe mbyll aventurën në kualifikueset e Kampionatit Evropian.

Kombëtarja e Kosovës U22, meshkujt, është mposhtur në ndeshjen e tretë të Grupit E, kualifikues për Kampionatin Evropian për këtë grupmoshë, nga Holanda me rezultat 0-3 (17-25, 19-25, 15-25) në sete.

"Dardanët" patën momente të mira, sidomos në setin e parë dhe të dytë, në përballjen me favoritin e grupit, i cili regjistroi tri fitore nga po aq takime në këto ndeshje kualifikuese.

Kosova përshëndetet nga kjo garë me tri humbje, por me një eksperiencë të madhe nga e cila mund të ndërtojë dhe zhvillohet gjatë viteve në vazhdim.

Kujtojmë se përballja e fundit e Grupit E, ajo mes Sllovakisë dhe Azerbajxhanit me fillim nga ora 19:00, markon përfundimin e këtyre ndeshjeve kualifikuese të organizuara nga Federata e Volejbollit të Kosovës, në Pallatin e Rinisë dhe Sportit në Prishtinë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat