Partizani fiton

Volejboll

Partizani fiton

Më: 19 nëntor 2022 Në ora: 12:07
Partizani fiton

Ka nisur faza e grupeve e Kupës së Shqipërisë në volejboll për meshkuj dhe femra, ku 8 ekipet e Superligës janë të ndara në dy grupe.

Për femra, janë luajtur dy ndeshjet e Grupit A, ku Partizani fitoi me lehtësi 3-0 ndaj Korabit (25-8, 25-10, 25-12). Ndeshje në sens unik, që ishte si një stërvitore për të kuqtë. Më e bukur sfida e luajtur në Shkodër, ku Vllaznia mundi 3-1 Barleti Volley (25-12, 23-25, 25-22, 25-21). Me përjashtim të setit të parë, tri setet e tjera ishin të dueluara dhe me emocione.

Te meshkujt, Partizani mundi me përmbysje 3-1 Studentin në derbin kryeqytetas (18-25, 25-19, 25-14, 25-18). Partizani ishte i përgjumur në setin e parë, por më tej ka epërsi e fiton me lehtësi. Mjaft e bukur sfida në Shkodër, ku Vllaznia fitoi 3-2 ndaj Skënderbeut (14-25, 26-24, 25-13, 23-25, 15-13), ku u duelua fort dhe gjithcka u vendos në setin final.

Femra-Grupi A (dita e parë)

Partizani – Korabi, 3-0

Vllaznia – Barleti Volley, 3-1

Renditja: Partizani 3 pikë, Vllaznia 3 pikë, Barleti Volley 0 pikë, Korabi 0 pikë.

Femra-Grupi B (dita e parë)

Skënderbeu – Teuta, 19 nëntor

Tirana – Lushnja, 19 nëntor

Meshkuj-Grupi A (dita e parë)

Vllaznia – Skënderbeu, 3-2

Tirana – Elbasani, 19 nëntor

Renditja: Vllaznia 2 pikë, Skënderbeu 1 pikë, Tirana 0 pikë, Elbasani 0 pikë.

Meshkuj-Grupi B (dita e parë)

Partizani – Studenti, 3-1

Erzeni – Teuta, 19 nëntor

Renditja: Partizani 3 pikë, Studenti 0 pikë, Erzeni 0 pikë, Teuta 0 pikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat