Një amerikane dhe një kubane të Partizani

Volejboll

Një amerikane dhe një kubane të Partizani

Më: 31 janar 2023 Në ora: 20:25
Një amerikane dhe një kubane të Partizani

Partizani i volejbollit të femrave po zhvillon një sezon shumë të mirë.

Pasi e nisën me këmbë të mbarë duke fituar Kupën e FSHV-së, të kuqet e mbyllën fazën e parë të kampionatit me pikë të plota me 7 fitore në po kaq ndeshje të zhvilluara, ndërsa kanë siguruar edhe kalimin për në fazën finale në Kupën e Shqipërisë, gjithashtu edhe në Ligën Mbarëkombëtare Gjergj Kastrioti.

Ndonëse me një ekip të plotë dhe konkurrues, Partizani nuk është ndalur këtu, pasi po tregohet mjaft aktiv edhe në merkaton e dimrit. “Panorama Sport” mëson se të kuqet kanë mbyllur marrëveshjen me dy volejbolliste të huaja, të cilat janë zyrtarisht pjesë e Partizanit për gjysmën e dytë të sezonit.

E para është amerikania Jada Burse, lojtare që aktivizohen në pozicionet katër dhe pesë. 25-vjeçarja gjatë sezonit të kaluar është aktivizuar në Brazil për skuadrën Fluminense, ndërsa në të shkuarën ka pasur eksperienca në Kuvajt dhe SHBA.

Ndërkohë goditja e dytë është kubania Reglia Flavia Martinez Ortiz. 23-vjeçarja vjen nga eksperienca në Japoni dhe pritet të jetë një tjetër element i rëndësishëm për Partizanin.

commentFirst article
Sot mund të lexoni Shfletoni kopertinat