Po vazhdojnë grumbullimet e Kombëtares U17 të Kosovës, si parapërgatitje për raundin e dytë kualifikues të Kampionatit Evropian U17.
I treti për këtë vit u mbajt këtë fundjavë në Gjilan, ku morën pjesë 16 lojtare në total, me ekipin e trajnerëve që po punon vazhdimisht për të shtuar kualitete në kontigjent.
Kujtojmë se Kosova U17 është pjesë e Grupit E të këtij raundi kualifikues, së bashku me Ukrainën, Belgjikën dhe Estoninë.
Federata e Volejbollit të Kosovës do të jetë organizatore e kësaj faze kualifikuese të Evropianit mes datave 21-23 prill, derisa të gjitha ndeshjet zhvillohen në Palestrën "1 Tetori" në Prishtinë.
