Drita ka mposhtur M-Technologien, të shtunën mbrëma, në ndeshjen e vlefshme për xhiron e 16 në Superligën A, femrat.
Ekipi gjilanas fitoi me rezultat 0:3 (20:25, 19:25, 8:25), si mysafir i rivaleve nga Prishtina, në një fitore të pastër që i ndihmon të shtojë diferencën në krye të tabelës.
Kryqytetaset rezistencën më të fortë e treguan në setin e parë, por e gjetën të pamundur në vazhdim të evitonin disfatën nga kampionia në fuqi e Superligës A.
Pas kësaj fitoreje, Drita grumbullon 45 pikë dhe zë pozitën e parë, me dhjetë pikë më shumë se Skenderaj në pozitën e dytë, por vashat e trajnerit Ylli Kadriu kanë një ndeshje më pak të luajtur.
Në anën tjetër, M-Technologie mbetet në kuotën e 18 pikëve në vendin e katërt.
Statistikat e Dritës:
Venera Kadriu: 15 pikë, 12 të fituara nga 24 sulme me 50%,, 2 bllokime e 1 shërbim, 12 pranime me 92% dhe 5 pikë të humbura.
Loresa Avdyli: 13 pikë, 10 të fituara nga 19 sulme me 53%, 2 shërbime, 1 bllok dhe 1 pikë të humbura.
Megi Bislimi: 11 pikë 10 të fituara nga 21 sulme me 48%, 1 shërbim, 18 pranime me 61% dhe 6 pikë të humbura.
Aquinci Stambler: 8 pikë, 5 të fituara nga 10 sulme me 50%, 3 shërbime dhe 1 pikë të humbura.
Vesa Shabani: 7 pikë, 6 të fituara nga 18 sulme me 33%, 1 bllok dhe 6 pikë të humbura.
Melek Erbuga: 3 pikë, 3 të fituara nga 6 sulme me 50% dhe 2 pikë të humbura.
Rrezelinda Thaçi: 2 pikë, 2 të fituara nga 2 sulme me 100%, pikë të humbura nuk ka.
Xhudjena Kruti: 1 pikë, 1 tê fituara nga 1 sulm me 100%, 2 pranim me 100%, pikë të humbura nuk ka.
Adelajda Prenga, 8 pranime me 75% dhe pikê të humbura nuk ka.
