Kategoria e Parë e volejbollit për femra është në metrat e fundit të kampionatit.
Të shtunën do të zhvillohet java e 19- të, një javë që mund të mbyllë edhe matematikisht çështjen e skuadrës që ngjitet në Superligë.
Korabi është përgatitur për festën e rikthimit në elitë, teksa do të presë Flamurtarin në orën 14:00.
Vajzat dibrane, të drejtuara nga trajneri Fehmi Bulku, kanë zhvilluar një sezon të shkëlqyer, të cilin pritet që të kurorëzojnë kundër vlonjateve, për të ngritur lart trofeun e nivelit të dytë në sportin e rrjetës, duke i ngjitur kështu në Superligë.
Në ndeshjen tjetër që do të luhet sot, Lushnja do të presë në fushën e saj Elbasanin, takim që nis në orën 12:00 në palestrën e Krutjes.