Skënderbeu kualifikim historik në finalet

Volejboll

Skënderbeu kualifikim historik në finalet

Më: 17 prill 2025 Në ora: 11:55
Pamje

Skënderbeu është ekipi i dytë finalist i play off-it në volejboll për meshkuj. Një kualifikim historik për skuadrën korçare, që për herë të parë do të luajë në nivele të tilla.

Skuadra korçare fitoi 3-1 ndaj Tiranës në gjysmëfinalen e tretë play off zhvilluar në Korçë, duke fituar 2-1 serinë e takimeve.

Një kualifikim me përmbysje për Skënderbeun, që edhe pse humbi ndeshjen e parë arriti të fitojë dy të tjerat.

Në ndeshjen e tretë, Skënderbeu arriti një fitore të vështirë ndaj bardhebluve (25-22, 25-22, 23-25, 25-16), një ndeshje me rivalitet shumicën e kohës.

Sukses që erdhi edhe falë mbështetjes së tifozëve, ndërsa Tirana nuk arriti të bëjë diferencën në fundin e çdo seti, duke u eliminuar nga gara për titull.

Në finale, Skënderbeu do të përballet me Partizanin kampion në fuqi, që këtë sezon i ka fituar të gjitha ndeshjet në kampionat.

Gjysmëfinale-Meshkuj

Nd.1, Skënderbeu – Tirana, 1-3

Nd.1, Partizani – Studenti, 3-0

Nd.2, Tirana – Skënderbeu, 2-3

Nd.2, Studenti – Partizani, 0-3 (0-2)

Nd.3, Skënderbeu – Tirana, 3-1 (2-1)

comment Për komente lëvizni më poshtë
Sot mund të lexoni Shfletoni kopertinat