Skenderaj ka dalë fitues në ndeshjen e parë gjysmëfinale të Raiffeisen Superligës A për femra, duke e mposhtur Ferizajn me rezultat 3:1 (25:22, 27:29, 25:23, 25:20) në një përballje jashtëzakonisht të luftuar dhe me ritëm të lartë.
Pas një seti të parë të fituar nga vendaset, Ferizaj arriti ta barazojë rezultatin me shumë vështirësi në setin e dytë, që u mbyll me rezultat të ngushtë 27:29.
Megjithatë, Skenderaj riktheu qetësinë dhe kontrollin në lojë, duke fituar dy setet e radhës për të marrë epërsinë 1:0 në seri.
Kjo ishte ndeshja e parë në serinë gjysmëfinale, ku skuadra që arrin dy fitore kualifikohet në finalen e madhe të Play-Off-it.