Volejbollistja Vesa Shabani i bashkohet kampiones së Kosovës, Fer Volley.
Duket se kryetrajneri i këtij ekipi, Edon Ibrahimi, synon që të jetë edhe më kompakt në edicionin e ri 2025-2026.
Vesa është volejbolliste me përvojë edhe një përforcim i madh për ferizajaset.
“Shtojmë forcë, shtojmë karakter – mirësevjen në familjen tonë, Vesa Shabani!
Fer Volley ka kënaqësinë të prezantojë përforcimin më të ri për sezonin e ardhshëm – Vesa Shabani, bllokuese qendre, me përvojë në Superligën e Kosovës dhe pjesë e Kombëtares së Kosovës.
Pas një sezoni mbresëlënës me ekipin e Ferizajt dhe paraqitjeve të saj të shkëlqyera, Vesa i bashkohet projektit tonë Kampion me ambicie të qarta për të kontribuar në vazhdimësinë e suksesit.
Me fuqinë, disiplinën dhe karakterin që e dallon, besojmë se do të jetë një element kyç në rrugëtimin tonë të ri.
Mirësevjen në Fer Volley, Vesa! Le ta shkruajmë së bashku kapitullin e radhës të historisë sonë!”, njofton KVF Fer Volley.