Kombëtarja A e Kosovës në volejboll për meshkuj u përball sonte me Sllovakinë në pallatin e sporteve “Bill Klinton” në Ferizaj, në një ndeshje të vlefshme për kualifikimet e CEV EuroVolley 2026.
Sllovakët fituan me rezultat 3:0 (20:25, 14:25, 13:25) ndaj Kosovës.
“Ky ishte takimi i parë nën drejtimin e trajnerit malazez Darko Prebiraçeviç, i cili sapo ka marrë drejtimin e ekipit.
Pavarësisht humbjes, lojtarët treguan angazhim dhe përpjekje për të rivalizuar ndaj një kundërshtari të fortë.
Ndeshja e fundit në këtë cikël kualifikues zhvillohet më 16 gusht 2025, në Riga, ndaj Letonisë”, njofton FVK.