Kosova po merr pjesë në Kampionatin Evropian U22 në beach volley, që po zhvillohet në Baden të Austrisë, me dy dyshe në konkurrencën e meshkujve dhe femrave.
"Në garat e femrave, vendin tonë po e përfaqësojnë Amela Llugaliu dhe Sara Pira, të udhëhequra nga trajneri Edon Ibrahimi, në Grupin E me Çekinë 2, Sloveninë dhe Ukrainën.
Në kategorinë e meshkujve, Kosova përfaqësohet nga Premtim Bytyqi dhe Plator Fetahu, të udhëhequr nga trajneri Albin Rexhepi, në Grupin H me Gjermaninë, Latvian dhe Holandën.
Ndeshjet e së nesërmes (14.08.2025)
• Femrat:
Kosova – Sllovenia | 09:20
Kosova – Ukraina | 16:00
• Meshkujt:
Kosova – Holanda | 14:20
Federata e Volejbollit e Kosovës u uron suksese dhe paraqitje sa më të mirë përfaqësuesve tanë në këtë kampionat", njofton FVK.