Partizani mposht Tiranën

Volejboll

Partizani mposht Tiranën

Më: 7 shtator 2025 Në ora: 17:46
Pamje nga ndeshja

Skuadra e Partizanit në volejboll për meshkuj është shpallur sot fituese e Kupës së Federatës. Ndonëse pritej një ndeshje e fortë, në finalen e luajtur në Farkë, skuadra e “kuqe” fitoi 3-0 ndaj Tiranës.

Një derbi i dominuar nga ekipi kampion, që pati epërsi në të trija setet (25-22, 25-17, 25-18). Tirana luajti me hope, rivalizonte mirë deri në mesin e cdo seti e më pas dorëzohej, duke mos dhënë atë që pritej.

Partizani, një ekip tërësisht me lojtarë vendës, tregoi se është më kompakt dhe më i konsoliduar, ndërsa te bardheblutë duhet ende punë. Skuadra e trajnerit Ylli Tomorri e nis kështu sezonin e ri 2025-2026 mbarë, me një trofe.

Një ndeshje që zgjati më pak se 90 minuta, me Partizanin që tregoi se edhe këtë sezon do të jetë aty, në garë për të gjitha trofetë. Gjithsesi, ky event ishte një test i mirë për skuadrat në prag të fillimit të kampionatit.

comment Për komente lëvizni më poshtë
Sot mund të lexoni Shfletoni kopertinat