Fushë Kosova shijon fitoren e parë

Volejboll

Fushë Kosova shijon fitoren e parë

Më: 5 tetor 2025 Në ora: 22:25
Pamje nga ndeshja e vajzave

Skuadra e Fushë Kosovës ka regjistruar fitoren e parë në edicionin e ri të Raiffeisen Superligës A, duke mposhtur në Lipjan me rezultat 3:1 (25:22, 25:18, 23:25, 25:23) ekipin e Vëllaznimit.

Vendaset shkaku i palestrës së zënë me përgatitjet për zgjedhjet lokale në Fushë Kosovë, u detyruan të luanin në Lipjan.

Ato e nisën ndeshjen me intensitet të lartë dhe fituan dy setet e para me epërsi që u dhuroi qetësi, falë lojës së mirë në bllok dhe shërbimit të saktë.

Në setin e tretë, gjakovaret reaguan dhe arritën ta ngushtojnë rezultatin me 23:25, por Fushë Kosova u tregua më e vendosur në setin e katërt, duke e mbyllur ndeshjen me rezultat përfundimtar 3:1 dhe duke marrë tri pikët e para në këtë sezon.

comment Për komente lëvizni më poshtë
Sot mund të lexoni Shfletoni kopertinat