Skuadra e Dritës ka vazhduar formën e shkëlqyer në fillim të kampionatit, duke regjistruar fitoren e tretë radhazi në po aq ndeshje të zhvilluara në Raiffeisen Superligën A në volejboll.
Kësaj radhe e mposhtën kampionin Ferizajn me rezultat 3:0 (25:21, 25:22, 27:25).
Në një përballje të fortë dhe me ritëm të lartë, gjilanasit arritën të ruajnë epërsinë në momentet vendimtare të secilit set, duke i shkaktuar Ferizajt humbjen e parë të këtij edicioni.
Ndeshja u zhvillua në pallatin e sporteve në Gremë, për shkak të rikonstruksionit të palestrës në Gjilan.