Peja përgatitet për derbin e madh në elitën e volejbollit të Kosovës (meshkujt).
Peja përballet me Dritën e Gjilanit, në kuadër të javës së tetë.
Ndeshja luhet të shtunën në mbrëmje (20.00).
“Të shtunën mbrëma në ‘Karagaçi’ presim Dritën, në derbin e xhiros së 8-të të Superligës A.
Skuadra gjindet në pozitën e parë dhe në këtë ndeshje përballemi me vendin e dytë, andaj na pret një luftë e zjarrtë për kreun e tabelës.
Eja edhe ti, mos mungo!”, njofton KV Peja.
Peja kryeson me 18 pikë, një më shumë se Drita në pozitën e dytë.