Fer Volley eliminohet nga garat evropiane

Volejboll

Fer Volley eliminohet nga garat evropiane

Më: 5 nëntor 2025 Në ora: 23:26
Fer Volley

Në një atmosferë fantastike në “Bill Clinton” të Ferizajt, kampioni i Kosovës, KV Fer Volley u përball sërish me skuadrën zvicerane Düdingen, në ndeshjen e kthimit të CEV Volleyball Challenge Cup.

Ekipi nga Zvicra ngadhënjeu me rezultat 3:1 (25:17, 25:15, 19:25, 25:21) ndaj Fer Volley, në ndeshjen e luajtur në palestrën e sportit “Bill Clinton” në Ferizaj.

“Pas një fillimi të vështirë në dy setet e para, vajzat ferizajase treguan karakter dhe luftë sportive duke fituar setin e tretë me lojë të guximshme dhe mbështetjen e zjarrtë të publikut. 

Edhe pse Düdingen arriti të fitojë ndeshjen dhe të avancojë në fazën e radhës, Fer Volley la përshtypje të shkëlqyer me organizimin, atmosferën dhe përfaqësimin dinjitoz të Kosovës në garat evropiane.

Urime kampioneve tona për paraqitjen e ndershme dhe përfaqësimin me krenari të volejbollit të Kosovës në arenën ndërkombëtare!:, shkruan në faqen e FVK-së.

comment Për komente lëvizni më poshtë
Sot mund të lexoni Shfletoni kopertinat