Partizani debuton me fitore në Kupën e Shqipërisë

Volejboll

Partizani debuton me fitore në Kupën e Shqipërisë

Më: 8 nëntor 2025 Në ora: 20:51
Pamje nga ndeshja

Kupa e Shqipërisë në volejboll për meshkuj vijon rrugëtimin e saj, teksa janë zhvilluar ndeshjet e raundit të dytë.

Në Grupin A, debutim me fitore në këtë turne për Partizanin, që mundi 3-0 Skënderbeun (25-13, 25-14, 25-20). Sfidë e komanduar nga kryeqytetasit, që në të trija setet patën epërsi në fushë, duke e merituar fitoren dhe marrin kryesimin e grupit.

Në Grupin B, ekipi i Tiranës fitoi 3-1 ndaj Vllaznisë në “Fahrie Hoti” (22-25, 25-23, 25-16, 25-23). Fitore e vështirë dhe me përmbysje për bardheblutë, që marrin tri pikë të rëndësishme, duke u ngjitur në krye të renditjes, ku udhëheqin me pikë të plota.

Në Elbasan, ekipi mik i Erzenit fitoi 3-1 në Elbasan ndaj skuadrës vendase (25-19, 25-21, 19-25, 27-25). Një ndeshje me rivalitet, ku të dyja skuadrat dueluan fort, por në fund shijakasit bënë diferencën në fushën e lojës.

Meshkuj – Grupi A (java 2)

Partizani – Skënderbeu, 3-0

Studenti (pushim)

Renditja: Partizani 3 pikë, Skënderbeu 3 pikë, Studenti 0 pikë.

Meshkuj – Grupi B (java 2)

Tirana – Vllaznia, 3-1

Elbasani – Erzeni, 1-3

Renditja: Tirana 6 pikë, Vllaznia 3 pikë, Erzeni 3 pikë, Elbasani 0 pikë.

comment Për komente lëvizni më poshtë
Sot mund të lexoni Shfletoni kopertinat