Klubi i volejbollit Ferizaj është finalisti i dytë i Kupës së Federatës, pasi mposhti Dritën me rezultat 1:3 (18:25, 17:25, 28:26, 22:25) në një sfidë të fortë dhe të luftuar.
Dy setet e para treguan epërsinë e ferizajasve, të cilët zhvilluan lojë të qetë dhe të disiplinuar.
Drita reagoi fuqishëm në setin e tretë, duke fituar pas një beteje të gjatë pikë-për-pikë, por Ferizaj nuk lejoi rikthim të plotë.
Në setin e katërt, ata rimorën kontrollin dhe e mbyllën ndeshjen me vendosmëri.
Me këtë fitore të merituar, Ferizaj kualifikohet në finalen e Kupës së Federatës, ku do të përballet me Pejën për trofeun.
Final Four i Kupës së Federatës po zhvillohet në Pallatin e Sporteve “1 Tetori” në Prishtinë.