Kombëtarja U18 e vajzave të Kosovës nis sot paraqitjen në kualifikimet zonale të CEV U18 – Kampionati Evropian 2026.
Në ndeshjen e parë, vajzat tona përballen me Bullgarinë, nikoqire e turneut, në një duel që shënon fillimin e rrugëtimit evropian për këtë gjeneratë të re.
Ndeshja luhet në Palestrën sportive në Sofje.
Pas një procesi të gjatë seleksionimi, grumbullimesh dhe përgatitjesh intensive, ekipi i udhëhequr nga selektori Adriatik Kajtazi, me trajnerët Valon Mustafa dhe Berat Husaj, hyn në fushë me përkushtim, energji dhe besim.