Klubi i volejbollit Tirana ka shënuar një fitore të madhe ndaj kampionit aktual të Ligës Gjergj Kastrioti, Dritës, duke triumfuar me rezultat 3:1 (25:17, 25:19, 27:29, 25:21) dhe duke konfirmuar formën e lartë në Grupin A.
Kryeqytetaset e nisën ndeshjen me autoritet, duke fituar dy setet e para me lojë të sigurt dhe ritëm të lartë.
Drita reagoi në setin e tretë, të cilin e fitoi pas një fundi dramatik 29-27, por Tirana nuk lejoi befasi, duke u rikthyer fuqishëm në setin e katërt për ta mbyllur ndeshjen 25-21.
Me këtë fitore, Tirana forcon pozitat në krye të Grupit A, ndërsa Drita pëson një tjetër ndalesë në garën për kreun.