Përfaqësimi i volejbollit të Kosovës në arenën ndërkombëtare po vazhdon me dinjitet dhe profesionalizëm.
Supervisori Valon Nikqi, ishte i deleguar nga CEV në ndeshjen e CEV Volleyball Cup 2026, e zhvilluar më 27 janar 2026 në Poitiers të Francës.
:Në palestrën Lawson Body, skuadra vendase Alterna SPVB Poitiers triumfoi ndaj Dinamo Bucuresti me rezultat 3–0
(25–22, 25–16, 25–12), ndërsa për shkak të rezultatit të përgjithshëm u zhvillua edhe Golden Set, i cili u fitua nga Poitiers me 16–14.
Takimi zgjati 96 minuta dhe u karakterizua nga organizim dhe standard i lartë garues.
Angazhimi i Valon Nikqit në një kompeticion kaq të rëndësishëm evropian përbën një prezantim të shkëlqyer të volejbollit, duke dëshmuar se kuadrot e dala nga komuniteti ynë sportiv janë të përgatitura dhe të besueshme për përgjegjësi në nivelin më të lartë të volejbollit evropian.
Ky delegim është një tjetër dëshmi e respektit dhe besimit që institucionet ndërkombëtare kanë ndaj profesionistëve nga Kosova", njofton FVK.