Ferizaj i jep leksion Pejës

Volejboll

Ferizaj i jep leksion Pejës

Më: 8 shkurt 2026 Në ora: 22:16
Klubi i volejbollit Ferizaj

Klubi i volejbollit Ferizaj ka shënuar fitoren e 11-të të sezonit, duke mposhtur në transfertë liderin aktual Pejën me rezultat 0:3 (22-25, 18-25, 23-25), në një duel shumë të rëndësishëm të Raiffeisen Superligës A – meshkujt – java e 13-të.

Ferizajasit u treguan më të qetë dhe më efikasë në momentet vendimtare të secilit set, duke menaxhuar me sukses presionin ndaj një rivali direkt. 

Seti i tretë ishte më i luftuari, por Ferizaj ruajti epërsinë për ta mbyllur ndeshjen pa humbur set.

Me këtë humbje, e dyta për Pejën në edicionin aktual, avantazhi i tyre në krye të tabelës ngushtohet në vetëm dy pikë, duke e bërë edhe më interesante vazhdimin e kampionatit.

comment Për komente lëvizni më poshtë
Sot mund të lexoni Shfletoni kopertinat