Sot zhvillohen finalet e shumëpritura të Ligës “Gjergj Kastrioti” në volejboll, ku katër skuadra do të luftojnë për trofeun në konkurrencën e meshkujve dhe të femrave.
Finalja – meshkujt 16:00
Partizani – Skënderbeu
Partizani siguroi finalen pasi mposhti Tiranën bindshëm 3-0 në gjysmëfinale, duke dominuar sidomos në setet e fundit.
Në anën tjetër, Skënderbeu nga Korça kaloi në finale pas një beteje dramatike 3-2 ndaj Ferizajt, në një ndeshje që u vendos vetëm në setin e pestë.
Një përballje që premton rivalitet të madh dhe spektakël për titullin.
Finalja – femrat 18:30
Fer Volley – Pogradeci
Fer Volley arriti finalen pas fitores 3-2 ndaj Tiranës në një gjysmëfinale shumë të luftuar, ndërsa Pogradeci siguroi biletën për në finale me fitore të pastër 3-0 ndaj Ferizajt.
Dy skuadra në formë të mirë që do të përballen për trofeun e madh.
Sot në Palestrën e Farkës afër Tiranës, kurorëzohen kampionët rinj te Ligës “Gjergj Kastrioti”, ku spektakli është i garantuar.
