Erblira Bici triumfon sërish në Europë

Volejboll

Erblira Bici triumfon sërish në Europë

Më: 19 mars 2026 Në ora: 11:18
Erblira Bici

Skuadra italiane Megabox Vallefoglia është shpallur fituese e CEV Challenge Cup në volejboll për femra për sezonin sportiv 2025-2026. Në dy finalet e këtij turneu, ata mundën dy herë greket e Panathinaikos, fillimisht 3-2 në Itali dhe më pas 3-0 në Athinë.

Një triumf i merituar i skuadrës italiane, ku luan edhe volejbollistja e kombëtares kuqezi Erblira Bici.

Ajo ishte ndër më të mirat në fushë në të dyja takimet, me përvojë në arenën ndërkombëtare, duke ndihmuar skuadrën e saj në këtë triumf të madh.

Ajo realizoi edhe pikën e fitores, duke nisur festa.

Për pasojë, Erblira Bici është shpallur MVP e finaleve, duke marrë një trofe të merituar për paraqitjen e saj të jashtëzakonshme në këto finale. Një vlerësim për një nga volejbollistet më të mira të viteve të fundit.

comment Për komente lëvizni më poshtë
Sot mund të lexoni Shfletoni kopertinat