Klubi i volejbollit Fer Volley nga Ferizaj ka siguruar kualifikimin në finalen e Play-Off-it, pas një fitoreje bindëse në udhëtim ndaj Skenderajt me rezultat 0:3 (13:25, 12:25, 17:25).
Skuadra nga Ferizaj dominoi plotësisht takimin, duke kontrolluar çdo set dhe duke mos lënë hapësirë për befasi nga vendasit.
Fer Volley kishte krijuar epërsi që në ndeshjen e parë të fituar në Ferizaj, ndërsa me fitoren e dytë në Skenderaj vulosi pa dilema kualifikimin në finale.
Me këtë sukses, Fer Volley rikthehet në finalen e Play-Off-it, duke synuar sërish titullin e kampionit dhe duke konfirmuar formën e lartë në momentet vendimtare të kampionatit.