Të dielën (18.00) në palestrën “Bill Clinton” në Ferizaj zhvillohet ndeshja e katërt e serisë finale mes KVF Ferizaj dhe Fer Volley, një duel që pritet të sjellë tjetër spektakël volejbolli.
Pas tri ndeshjeve të para, epërsinë në seri e ka Fer Volley me rezultat 2:1.
Në përballjen e parë triumfoi Fer Volley me 3:1, Ferizaj reagoi në ndeshjen e dytë me fitore dramatike 3:2, ndërsa finalja e tretë sërish i takoi Fer Volleyt me rezultat të pastër 3:0.
Tashmë Fer Volley është vetëm një fitore larg titullit të kampionit, ndërsa Ferizaj kërkon barazimin e serisë dhe ta çojë garën në ndeshjen e pestë vendimtare.