Presidentja Vjosa Osmani: Shpirti garues i xhudisteve e xhudistëve tanë mban mbi supe shpresën e rinisë sonë

Xhudo

Presidentja Vjosa Osmani: Shpirti garues i xhudisteve e xhudistëve tanë mban mbi supe shpresën e rinisë sonë

Më: 6 prill 2021 Në ora: 15:00
Presidentja Vjosa Osmani: Shpirti garues i xhudisteve e xhudistëve tanë mban mbi supe shpresën e rinisë sonë

Presidentja e Kosovës, znj. Vjosa Osmani, sot ka takuar krenarinë e kombit shqiptar, xhudisten Majlinda Kelmendi. 

“Të ftuarit e mi të parë në Presidencë ishin ato e ata që lartësuan flamurin e Kosovës aty ku nuk arrinte dot as politika as diplomacia. Ka disa vjet që xhudistet e xhudistët e Kosovës janë bërë ambasadorët tanë më të mirë.

Majlinda Kelmendi, Nora Gjakova, Distria Krasniqi, Loriana Kuka, Akil Gjakova dhe shumë të tjerë jo vetëm që kanë korrur suksese historike në këtë disiplinë sportive, por kanë ngritur flamurin dhe nderuar himnin e Kosovës edhe në vende që akoma nuk e kanë njohur Kosovë. 

Image

Këta janë pjesa më pozitive e rrëfimit për Kosovën kudo në botë.

Këta janë krenaria e kombit tonë. Me rezultatet e tyre e kanë vendosur Kosovën në hartën e botës ndaj u jemi mirënjohës secilit nga ta!

Shpirti garues i xhudisteve e xhudistëve tanë mban mbi supe shpresën e rinisë sonë se asgjë nuk është e paarritshme dhe se me përkushtim, punë, pasion e disiplinë ëndrrat bëhen realitet”, thotë presidentja Osmani.

commentFirst article
Sot mund të lexoni Shfletoni kopertinat