Lojërat Olimpike në “Tokio 2020” vazhdojnë edhe sonte pas mesnate për sportistët nga Kosova.
Xhudistët nga Kosova, Nora dhe Akil Gjakova do të ndeshen sonte pas mesnate në “Tokio 2020”, ku synojnë medalje.
Medalistja e bronztë e botës, bartësja e tretë e kategorisë deri në 57 kilogramë, Nora Gjakova, raundin e parë e kalon pa luftë, ndërsa në raundin e dytë pret fituesen e luftës mes Sabina Filzmoser (Austri) dhe Sanne Verhagen (Holandë). Nora garon nga ora 04:00.
Kampioni i Evropës, Akil Gjakova në raundin e parë përballet me Ahmed Ayash të Jemenit, ndërsa nëse kalon kundërshtarin e parë, në të dytën e pret Nils Stump i Zvicrës. Akili garon poashtu nga ora 04:00.
